Ўзбекистон Республикаси Халқ таълими вазири ўринбосари Темур Комилов, вилоят Халқ таълими бошқармаси бошлиғи Сулув Ҳамидова ҳамда Жарқўрғон тумани  ҳокими Баҳодир Ўроқов туманимиздаги 58-умумтаълим мактабига ташриф буюришди.

    Улар синфхоналарга кириб, дарс жараёнларини кузатишди ва 9- ҳамда 11-синф ўқувчилари билан суҳбатлашдилар. Математика ва бошқа фанлардан савол- жавоблар ташкил этишди.

   Ташриф охирида мактаб педагогик жамоаси билан очиқ мулоқот ўтказилди. Улардаги муаммолар ҳақида сўралиб, таклиф-мулоҳазалари тингланди. Мактабда таълим сифатини ошириш масаласи муҳокама этилиб, зарур топшириқлар берилди.

    Шунингдек, вазир ўринбосари томонидан ушбу таълим муассасасига 16 дона компьютерлар жамланмаси туҳфа қилинди.

Жарқўрғон туман ҳокимлиги Ахборот хизмати.