Техник таъмирлаш ва такомиллаштириш ишлари олиб борилаётганлиги муносабати билан сайт вақтинча тест режимида ишламоқда!
  Ўз  /  O'z  /  Ру  /  En
Жарқўрғон тумани ҳокимлиги
ЭЪЛОН
Эълонлар / 2021-04-15

   Жарқўрғон туман ҳокимлиги Ўзбекистон Республикаси Вазирлар Маҳкамасининг “Уй-жой сотиб олиш учун фуқароларга субсидия тўлаш тартиби тўғрисидаги низомини тасдиқлаш ҳақида”ги қарорига асосан туманда жорий йилда ажратилиши назарда тутилган субсидия маблағлари ажратилмайдиган бўлди. Бунга сабаб, Сурхондарё вилоят ҳокимининг 2021 йил 15 мартдаги № Қ-155-сон қарори асос ҳисобланади.

   Мазкур қарорга асосан, ипотека кредитлари орқали аҳолини уй-жой билан таъминлаш, уй-жой шароитларини яхшилашга муҳтож оилаларни ижтимоий ва молиявий қўллаб-қувватлаш, хусусий пудрат ташкилотларини уй-жой қурилиш соҳасига кенг жалб этиш бўйича шарт-шароитлар яратишга қаратилган ислоҳотларнинг кўламини кенгайтириш мақсадида чиқарилган.  Ушбу қарорнинг 2-иловасига мувофиқ 2021 йилда янги тартиб доирасида ипотека кредитлари бўйича субсидиялар ажратишнинг мақсадли параметрлари тасдиқланган. Унга кўра жорий йилда Жарқўрғон туманида субсидия ажратиб бериладиган қурилишлар бўлмагани сабабли, субсидия ажратиш бўйича ҳужжатлар қабули тўхтатилади ҳамда топширилган ҳужжатлар бекор қилинади.

Уй-жой сотиб олиш учун фуқароларга субсидия тўлаш туман комиссияси.

ҲУРМАТЛИ ЖУРНАЛИСТ ВА БЛОГЕРЛАР!
Эълонлар / 2021-04-08

   Жарқўрғон туман ҳокимлиги Ахборот хизмати томонидан туман ҳокими иштирокида 2021 йил 10 апрель куни “Жарқўрғон туманида Мактабгача таълим тизимида амалга оширилаётган ишлар” мавзусида матбуот анжумани ташкил этилади.

   Манзил: Жарқўрғон туман ҳокимлиги биноси.

   Бошланиш вақти : 10.04.2021 йил, соат 10:00 да.

   Тадбирда туман ҳокими ва унинг ўринбосарлари, туман Мактабгача таълим бўлими мудири ҳамда тумандаги мактабгача таълим ташкилотлари раҳбарлари мавзу доирасида савол-жавобларда иштирок этишади.

   Ушбу матбуот анжуманига барча қизиқувчи журналист ва блогерларни таклиф этамиз.

Jarqo`rg`on tuman hokimligi Axborot xizmati.

Диққат! Диққат! Диққат!
Эълонлар / 2021-03-15

   Жорий йилнинг 17 март куни туманимизда "Наврўз сайли" ўтказилади. Бу йилги "Наврўз сайли" ҳам “Қўштепа” маҳалласидаги адирликларда ўтказилиши белгиланди.

 

   Байрам тадбирларида халқимизнинг ўлмас қадриятлари асосида саҳна кўринишлари, сумалак сайллари ҳамда таниқли санъаткорлар томонидан ажойиб куй-қўшиқлар ижро этилиши белгиланган.

   Ушбу байрам тадбирига барча жарқўрғонликларни таклиф этиб қоламиз.

Барчаси: 3 та
Рўйхатдан ўтиш
3 та фойдаланувчи ҳозир сайтда
Сайтимизнинг янги талқини сизга ёқдими?