Миллий анъаналаримизни сақлаб, ёш авлодга етказишда ҳунармандларнинг ўрни беқиёсдир. Жарқўрғонда миллий буюмлар ҳақида суҳбатлашган киши ҳунармандчиликни узоқ йиллардан буён тарғиб қилиб келаётган Дима Инюшевни ёдга олишади. Зеро у йўлга қўйган миллий либослару эсталик буюмлари, ҳар қандай хорижликни ўзига қаратмай қўймайди.

   Шу вақтгача туман Маданият бўлимининг бир бурчагида, тор жойда ўз фаолиятини юритаётган Димитрийнинг бугун ниятлари амалга оша бошлади. У тумандаги тадбиркорлар кўмагида замонавий кўринишда барпо этилган бинода фаолият юрита бошлади. Ушбу Ҳунарманд марказининг очилиш маросимида туман ҳокими ўринбосари А.Раджабов ҳамда вилоят Ҳунармандлар уюшмаси раҳбари М.Жўраевалар иштирок этишди.

Жарқўрғон туман ҳокимлиги Ахборот хизмати.