Жарқўрғон туман ҳокимлиги Ахборот хизмати "Блогер ва қонун" гуруҳида берилган "Жарқўрғон туманида Прокурор худудидаги шифохонада врач ва хамшира айтган 30.000 сўмни бермаган хомиладор аёл хақорат қилиниб, тиббий ёрдам кўрсатилмади"  дея тарқалган видео бўйича туман тиббиёт бирлашмаси маълумотларига асосланиб, қуйидагиларни маълум қилади:

"Видеода қилинган мурожаатда тиббиёт ходимлари 30000 сўм бермасанг,  сени даволамайман дегани ўз тасдиғини топмади.  Бундан ташқари,  блогер томонидан тиббиёт муассасасига кириб,  тиббиёт ходимларига дағ-даға қилиб, тасвирга олиши улар фаолиятига таҳдид саналади.  Шу сабабли,  мазкур видео чиқишни ноқонуний деб ҳисоблаймиз. 

  Шунингдек,  тиббиёт ходимлари  видеодаги суҳбат чоғида ўзини жиловлай олишмагани акс этгани  туфайли,  уларга нисбатан хайфсан жазоси берилди."

Жарқўрғон туман ҳокимлиги Ахборот хизмати.