Qishning qahratoni so'nib, bahorning mayin shabadasi esa boshlagan ayni kunlarda jarqo'rg'onlik dehqonlar mo'l hosil olish yo'lida hormay-tolmay mehnat qilmoqdalar.
   Tumanimizda joriy yilda 7065 gektar maydonda paxta etishtirish rejalashtirilgan. Fermerlar tomonidan esa dalalar tekislanib, pushta olingan holda chigit qadashga tayyorlandi. Bugun Ismoiltepa mahallasidagi "Termiz Jayhun Klaster"ga tegishli maydonda chigit ekish ishlari seminar tashkil etilgan holda boshlab yuborildi. Seminarda tuman hokimi B.O'roqov hamda fermer xo'jaliklari uyushmalari rahbarlari, tegishli mutaxassislar ishtirok etdilar.

Jarqo'rg'on tuman hokimligi axborot xizmati.