Ўз  /  O'z  /  Ру  /  En
Жарқўрғон тумани ҳокимлиги
СПОРТ БАЙРАМИГА МАРҲАМАТ!
Эълонлар / 2021-05-16

   Аҳоли саломатлигини мустаҳкамлаш ва соғлом турмуш тарзини шакллантиришда “Давлат хавфсизлик хизмати Сурхондарё вилояти бўйича бошқармаси бошлиғи кубоги” учун “Соғлом миллат, соғлом келажак” шиори остида уюшмаган, кам таъминланган, имконияти чекланганлар, хорижий мамлакатларда ишлаб келиб, ҳозирги кунда ишсиз бўлган ёшлар ва меҳрибонлик уйлари тарбияланувчилари ўртасида Жарқўрғон туманида оммавий спорт мусобақалари бўлиб ўтмоқда.

  Жумладан,  15-19 май кунлари мусобақаларнинг туман босқичи бўлиб ўтиши белгиланган бўлиб, мини футбол бўйича туман босқичи финал учрашуви эртага 17 май куни, соат 18-00да бўлиб ўтади. Тадбир бошланишидан олдин концерт дастури бўлиб ўтиши ҳам режалаштирилган. Барча тумандошларни ушбу концерт дастури ҳамда футбол баҳси томошаларига таклиф этиб қоламиз.

  Шунингдек, ушбу тадбирлар доирасида шахмат баҳслари ҳам бўлиб ўтади. Белгиланган спорт турлари бўйича мусобақа ғолиб ва совриндорлари ташкилотчиларнинг диплом ҳамда эсдалик совғалари билан тақдирланади.

   Ушбу тадбирлар туман марказий ўйингоҳида бўлиб ўтади.

Жарқўрғон туман ҳокимлиги Ахборот хизмати.

ЖАРҚЎРҒОНЛИК ЁШЛАР ДИҚҚАТИГА!
Эълонлар / 2021-05-14

   Тадбиркорлик фаолияти билан шуғулланишни истайсизми? Ишлаб чиқаришни ташкил этмоқчимисиз? У ҳолда Жарқўрғон туман ҳокимлиги сизларни ҳамкорликка чорлайди. Ишлаб чиқаришни ташкил этиб, импорт ўрнини босувчи экспортбоп маҳсулотлар ишлаб чиқармоқчи бўлган ёшларга тумандаги 3 та ҳудудда ёшлар кичик саноат зонаси ташкил этилмоқда.

  Ўз ишлаб чиқариши ва бизнесини йўлга қўймоқчи бўлган ёшлар туман ҳокимлиги ва Ёшлар ишлари агентлиги туман бўлимига мурожаат қилишлари мумкин.

   Туман ҳокимлиги ёшлар кичик саноат зонаси бўйича шуғулланувчи вакил Н.Абдуллаев. Телефон рақами: +998936100072.

   Ёшлар ишлари агентлиги туман бўлими Қ.Абдурахмонов. Телефон рақами: +998990539195.

ДИҚҚАТ ЭЪЛОН!
Эълонлар / 2021-05-06

   Ҳурматли тумандошлар! Эртага,  яъни 2021 йил 7 май куни соат 17-00да туман марказий ўйингоҳида "Ёшлар форуми" доирасида,  ҳамда "Янги Ўзбекистонда эркин ва фаровон яшайлик!"  шиори остида таниқли санъаткорлар,  шоир ва ижодкорлар,  халқ  артистлари иштирокида концерт дастури бўлиб ўтади.

   Шу жумладан,  эл севган артистлар Эркин Комилов,  Муҳаммадали Абдиқундузов,  ижодкорлар Минҳожиддин Мирзо,  Қўчқор Норқобил,  Бобур Бобомурод,  санъаткорлар Маҳмуд Намозов,  Ҳосила Раҳимова,  Лола Аҳмедова,  Наргиза Азимовалар ўз чиқишлари билан қувонч улашадилар.

   Барча тумандошларни концерт дастурига лутфан таклиф этамиз.

Жарқўрғон туман ҳокимлиги Ахборот хизмати.

ТАЪЗИЯ
Эълонлар / 2021-04-17


Ўзбекистон халқ демократик партияси Жарқўрғон туман Кенгаши раиси, халқ депутатлари туман Кенгаши депутати Алишер Маматмуродов 17 апрель куни 65 ёшида вафот этди.
Жарқўрғон туман ҳокимлиги ҳамда халқ депутатлари Жарқўрғон туман Кенгаши депутатлари Алишер Маматмуродовнинг оила-аъзолари ва барча яқинларига чуқур таъзия изҳор қилади.


Жарқўрғон туман ҳокимлиги Ахборот хизмати.

ЭЪЛОН
Эълонлар / 2021-04-15

   Жарқўрғон туман ҳокимлиги Ўзбекистон Республикаси Вазирлар Маҳкамасининг “Уй-жой сотиб олиш учун фуқароларга субсидия тўлаш тартиби тўғрисидаги низомини тасдиқлаш ҳақида”ги қарорига асосан туманда жорий йилда ажратилиши назарда тутилган субсидия маблағлари ажратилмайдиган бўлди. Бунга сабаб, Сурхондарё вилоят ҳокимининг 2021 йил 15 мартдаги № Қ-155-сон қарори асос ҳисобланади.

   Мазкур қарорга асосан, ипотека кредитлари орқали аҳолини уй-жой билан таъминлаш, уй-жой шароитларини яхшилашга муҳтож оилаларни ижтимоий ва молиявий қўллаб-қувватлаш, хусусий пудрат ташкилотларини уй-жой қурилиш соҳасига кенг жалб этиш бўйича шарт-шароитлар яратишга қаратилган ислоҳотларнинг кўламини кенгайтириш мақсадида чиқарилган.  Ушбу қарорнинг 2-иловасига мувофиқ 2021 йилда янги тартиб доирасида ипотека кредитлари бўйича субсидиялар ажратишнинг мақсадли параметрлари тасдиқланган. Унга кўра жорий йилда Жарқўрғон туманида субсидия ажратиб бериладиган қурилишлар бўлмагани сабабли, субсидия ажратиш бўйича ҳужжатлар қабули тўхтатилади ҳамда топширилган ҳужжатлар бекор қилинади.

Уй-жой сотиб олиш учун фуқароларга субсидия тўлаш туман комиссияси.

Барчаси: 32 та
Рўйхатдан ўтиш
2 та фойдаланувчи ҳозир сайтда
Сайтимизнинг янги талқини сизга ёқдими?